GRAZAS OU GRACIAS?

A forma grazas é un invento moderno? Vede o que se di neste vídeo

EU SON...

 

"Eu son..." é unha publicación do IES de Curtis que nace cun dobre obxectivo: o de  render homenaxe a Memorias dun neno labrego e por outra banda, "ofrecer un tributo aos nosos antergos, a todas aquelas persoas que teceron coas súas vidas os nosos presentes".



Un fermoso traballo.



 Blog da Biblioteca do IES de Curtis: Eu son...   





                                                                                        .                                                                                  

A ALDEA ENCANTADA

Este é o título que puxeron ao seu relato do Samaín, Sara Rodríguez, Diego, Felipe e Xoel de 2º ESO.

Podedes velo AQUÍ

RELATOS DE TERROR 2º ESO

Un dos concursos que o ENDLG propuxo para celebrar o Samaín deste ano, consistía en crear un relato de terror, escenificalo e gravalo en movie maker, pero parece ser que, por falta de tempo ou a saber por que outras razóns, o alumnado non se animou a facer dita actividade.
Nas clases de Lingua Galega en 2º da ESO, tentouse levar a cabo esta idea, xa fóra de concurso, e estes foron os resultados. Hoxe o vídeo que subimos ao blog, ten como protagonistas a Lorena, Lucía, Mª José e Marina que recrearon esta historia de medo que leva por título "O último xogo". En días sucesivos iremos poñendo outros relatos creados por este alumnado de 2º ESO. Agardamos que vos gusten.

Podedes ver o vídeo AQUÍ

PREMIOS SAMAÍN 2015

Como lembraredes, para o Samaín 2015 no noso centro, houbo dous concursos nos que participastes o alumnado: o de cabazas e o de tarxetas cunha lenda en galego; pois ben, aquí vos deixamos os nomes d@s alumn@s gañadores.



PREMIO DE CABAZAS: Lucas Cabana Novo de 1º ESO

PREMIO DE TARXETAS: Celtia Dorrego Rico de 1º ESO


A entrega de agasallos ao alumnado destes concursos, será o mércores 9 de decembro na biblioteca do centro durante o tempo do recreo.


                  PARABÉNS AOS GAÑADORES!!!!

   Lucas Cabana Novo 1º ESO

                           Celtia Dorrío Rico 1º ESO

ADEUS A XOSÉ NEIRA VILAS

Esta fin de semana comezaba con malas novas... a noticia do pasamento do autor de Memorias dun neno labrego, que nos  deixaba para sempre e marchaba ao carón da súa compañeira de vida Anisia.
 Xosé Neira Vilas finou na súa casa de Gres, Vila de Cruces aos 87 anos. Autor, asemade, doutras obras moi coñecidas: Cartas a Lelo, Querido Tomás, Cartas no rodicio, O cabaliño de buxo, A Marela taravela e un longo etcétera que abrangue dende a narrativa, ata a  poesía e o ensaio.
Ademais dun grandísimo escritor, comprometido coa lingua,  sufriu a emigración en Cuba e na Arxentina (onde descubriu a súa identidade galega), foi un ser humano excepcional moi solidario co mundo marxinal e coas causas xustas.
O seu corpo foi velado no Panteón dos Galegos Ilustres en San Domingo de Bonaval e o enterro na súa aldea de Gres o sábado pasado.

 Podedes ver máis información AQUÍ

«Eu son Balbino. Un rapaz de aldea. Coma quen di, un ninguén. E ademais, pobre». 

ACHÉGASE O NADAL...

Estamos ás portas das vacacións do Nadal...xa sabemos que estades estudando moito e que pouco tempo hai para outra cousa que non sexa preparar exames, pero pedímosvos un pequeno esforzo e colaboración entre tod@s para preparar a nosa felicitación  deste ano que logo remata.
Un ano máis, queremos que vós sexades @s artífices da tarxeta para parabenizar estas festas a toda a comunidade educativa do IES Enrique Muruais.
Dende o ENDLG propoñémosvos que participedes na elaboración da mesma; as bases están no cartaz que  de seguido vos imos subir no blog... iso si!! LEMBRADE que o lema da mesma ten que ser en GALEGO NORMATIVO porque moitas veces hai creacións plásticas moi chulas que non podemos premiar porque non están escritas en GALEGO e isto conta moito á hora de seleccionar as mellores.
Este mesmo cartaz coas bases está exposto polo centro, nos taboleiros.

Queres recibir un agasallo antes do Nadal? Pois ANÍMATE e PARTICIPA!!!

Tedes de prazo ata o día 7 de decembro

CONCURSOS SAMAÍN 2015

Durante os días de celebración do Samaín @s nen@s participaron nos concursos de cabazas e de tarxetas de terror. En honor á verdade, temos que dicir que no concurso de cabazas a participación foi moi baixa e tan só puidemos disfrutar vendo unhas poucas. Pola contra, no concurso de tarxetas de terror, o alumnado de 1º da ESO , así coma o de 3º ESO e alumnado de Plástica de 4º ESO participou colaborando na súa elaboración Elsa a profesora de Plástica... moitas grazas Elsa por esa axudiña!

Tamén, coma outros anos, se decorou o centro con moitos motivos coma pantasmas, bruxas, morcegos... con materiais como teas, carautas, sacos, cartolinas e outros que se aproveitaron de anos pasados.

No concurso de relatos de terror, non participou ninguén, pero as nenas e nenos de 2º da ESO prepararon na clase de Galego algunha historia de medo que logo gravaron. Estas historias, en canto pasen uns días xa poderemos subilas ao blog para que poidades velas.

Aquí imos deixarvos algunhas fotos para que poidades ver o que foi o Samaín no centro este curso. Tamén nuns días xa poderemos ensinarvos os nomes dos gañadores tanto das cabazas como das tarxetas.
O Equipo de Normalización e Dinamización da Lingua Galega quere darvos as grazas a tod@s pola colaboración e animávosvos a que sigades participando nos concursos vindeiros que se propoñan, porque sen a vosa participación, non sería posíbel levar isto adiante.

                                             Concurso de cabazas

                                                    Concurso de tarxetas

                                                 Decorado do centro

VAI DE MEDO!!!

Un ano máis volve o Samaín e queremos que tod@s vos preparedes para celebrar esta data tan importante na nosa cultura, asi que puxémonos man á obra...

O EDL vén de preparar as actividades que como cada ano se van realizar no noso centro ...

CONCURSO DE CABAZAS  que coma sempre e coa vosa imaxinación, debedes tunear para que vos queden ben chulas... este ano, pedímosvos que as cabazas que presentedes, veñan SEN BALEIRAR E DECORADAS POR FÓRA para evitar que se estraguen rapidamente.... seguro que se vos ocorren igualmente decorados moi creativos... SERÁ O DÍA 21 DE OUTUBRO  cando debedes traelas.

CONCURSO DE POSTAIS DE TERROR  que como vos indicamos  no cartaz, ten que levar UN LEMA EN GALEGO, sendo libres a técnica e o formato empregados... tedes de prazo ata o 22 DE OUTUBRO.

RELATOS DE TERROR EN EQUIPO... ESCENIFICADOS OU EN MONTAXES DE MOVIE MAKER.

Animávosvos a que participedes porque haberá PREMIOS SINISTROS!!!!

BENVIDOS/AS AO NOVO CURSO 2015-2016

     Aquí estamos de volta!! Un saúdo para tod@s e en especial para @s que se incorporan a este curso 2015-2016. Desde o novo equipo do ENDL queremos invitar a todo o mundo a coñecernos e a achegarvos a nós.

Nesta nova etapa, o equipo do ENDL está formado polas seguintes persoas:

Profesorado:

Elena Aller González

Mercedes Bouza

Carmen López Peón (coordinadora)

Ángeles Rodríguez Llamazares

               

Alumnado: 

Cristian Díaz Fernández (2º ESO)

Sarai López Morado (3º ESO)

Irene Díaz Alonso (4º ESO)

Iuliana Luculescu (1º BACH)

           

Representante da Administración e servizos:

José Vega Chao

    De paso, xa que este ano é Manuel María o autor homenaxeado no Día das Letras Galegas, deixámosvos un anaquiño dun poema del.

                      "Galicia docemente                                  

está ollando o mar:

                                    ten vales e montañas                                     

ten vales e montañas

e terras pra labrar! 

Ten portos, mariñeiros,

cidades e labregos

cargados de traballos,

cargados de trafegos!

Galicia é unha nai

velliña, soñadora:

na voz da gaita rise,

na voz da gaita chora!

Galicia é o que vemos:

a terra, o mar, o vento… "

DÍA DAS LETRAS GALEGAS

Co gallo da celebración do Día das Letras Galegas 2015 dedicado ao erudito Xosé Filgueira Valverde, deixamos información que podedes obter visitando a páxina da Fundación que leva o nome do autor, así coma algúns videos sobre a figura deste escritor homenaxeado.
Para vela, premede

 XOSÉ FILGUEIRA VALVERDE

VÍDEO 1

EDL IES ESPIÑEIRA

EDL IES ESPIÑEIRA 2

CORRELINGUA EN RIBADEO

A chuvia non puido cunha edición máis do Correlingua, que hoxe se fixo na Mariña, en Ribadeo cunha participación moi alta de alumnado dos centros mariñaos.
Se queredes ver a nova, preme AQUÍ

FACENDA ATACA AO GALEGO

Facenda exclúe o galego na declaración da renda.

Para ver a información, preme AQUÍ

CALENDARIO DO CORRELINGUA 2015

Aquí vos deixamos o calendario deste ano do CORRELINGUA

CALENDARIO

A RAG ESTUDA RECORRER O FALLO DO SUPREMO

Agardamos que a Real Academia Galega continúe na loita e defensa da nosa lingua.

Preme AQUÍ   para ver a nova

O GALEGO É DE TODOS

E este é o vídeo que resultou gañador do Correlingua 2015, A autoría do mesmo corresponde ao CPR Sagrada Familia de Aldán. Un rap e un vídeo moi traballados. PARABÉNS!!!

VÍDEO

COMUNICADO MOI OPORTUNO DA COORDINADORA DE ENDLG

A Coordinadora Galega de equipos de normalización e dinamización lingüística publica un comunicado imprescindible e oportunísimo. Cousas que debería ter presente toda institución que vaia sentar a "consensuar" con Feijoo:

COMUNICADO DA COORDINADORA DE ENDLG

O TRIBUNAL SUPREMO SENTENZA...

Que o uso do galego non é "igual ou equivalente" ao do castelán.

Preme AQUÍ  para ler a nova

NOVO LIBRO DA SAGA DRAGAL

Dentro de poucas semanas, en abril, vai saír o novo libro da saga DRAGAL e que se titula Dragal IV "A estirpe do dragón".  Pero por se fora pouco, hai en marcha un proxecto audiovisual sobre a triloxía e ademais tamén están traballando para que este famoso dragón autóctono sexa a figura estelar nun futuro, tanto en cómic como en xogos interactivos.
Deixamos unha mostra do que está por vir neste proxecto audiovisual da autora da triloxía, Elena Gallego Abad.

Preme AQUÍ para ver o vídeo.

HAI COUSA PEOR QUE ESTUDAR GALEGO?

Este artigo de Francisco Cidrás ( director do departamento de Filoloxía Galega na USC), foi pubricado por Praza Pública a finais do ano pasado,. Nel analiza  o tratamento que lles dan os medios de comunicación e o Ministerio de Educación aos datos sobre a inserción laboral dos licenciad@s en galego.

Parabéns ao seu autor, artigo que debería ser de obrigada lectura para todos os membros dos departamentos de Orientación dos IES galegos e para todo o alumnado de Bacharelato para que @s alumn@s coñezan toda a información.

Preme AQUÍ para poder lelo.

DÍA DA IGUALDADE

O alumnado de 2º de Bacharelato realizou un traballo co nome DÍA DA IGUALDADE na materia de Lingua Galega no que abordaron aspectos nos que hai que traballar para acadar a igualdade na vida cotiá entre mulleres e homes dos países desenvolvidos.

Outros aspectos que tamén trataron foron as distintas manifestacións da violencia contra a muller no terceiro mundo, así como a necesidade de traballar a autoestima e a formación persoal para conquistar a igualdade e a liberdade como persoa.

 Para velo, preme en VÍDEO

GALEGO, LINGUA POR DEFECTO

Suso Acevedo é Licenciado en Filoloxía Galego-Portuguesa pola USC e profesor de ensino secundario no IES de Ribadeo. Recentemente escribiu este artigo  que podedes ler premendo na ligazón seguinte

ARTIGO

8 DE MARZO DÍA DA MULLER TRABALLADORA

Dende o ENDL do noso instituto queremos facer unha homenaxe a todas as mulleres galegas... ás que se foron que xa non están connosco e  ás que seguen a loitar pola nosa dignidade, ás mulleres libres e creadoras do noso destino. Neste 8 de marzo, unha lembranza moi especial para a escritora Begonha Caamaño moi presente sempre nos corazóns de todas.

MENSAXE GAÑADORA NO CONCURSO DO DÍA DO AMOR

O ENDL do instituto vén de elixir a mensaxe gañadora do Concurso do Día do Amor. Corresponde á da alumna Yaiza Lorenzo García de 2º ESO.
 Podedes vela, premendo na seguinte ligazón:

CORAZÓN


                PARABÉNS, YAIZA!!! A tod@s @s demais, moitas grazas pola vosa participación!!

DÍA DE ROSALÍA ENTRE O ALUMNADO

Nas clases de Galego, fixemos unha gravación que resumimos nestes vídeos. As alumnas e alumnos de 1º e 2º ESO baixo lema EU SON ROSALÍA que este ano propuxo a Asociación de Escritoras e Escritores en Lingua Galega para celebrar o 178º aniversario da escritora, foron introducindo e recitando versos do seu libro Cantares Gallegos.


VÍDEO 1º ESO

VÍDEO 2º ESO

.

GOOGLE CON ROSALÍA

Tamén Google lembra a Rosalía, dedicando o seu "doodle"á escritora. 

GOOGLE

#EuSonRosalía - ROSALÍA FERNÁNDEZ RIAL É ROSALÍA

24 DE FEBREIRO, DÍA DE ROSALÍA

Un ano máis no noso IES homenaxeamos a Rosalía, a máis grande escritora de todos os tempos, a máis universal, a máis agarimosa e morriñenta, a que tanto amou a Galiza e tanta dor sentiu por ela.

Hoxe no recreo escoitaremos os seus poemas musicados para que tod@s poidades gozar deles. Nas clases tamén estamos a preparar uns videos que noutro momento subiremos aquí.

24 de febreiro é a data do nacemento da poeta do Rexurdimento e neste ano 2015 cúmprese o 178º aniversario dese feito .

DÍA DE ROSALÍA

Co gallo da celebración mañá 24 de febreiro, do Día de Rosalía, deixamos subido este ligazón ao xornal SERMOS GALIZA onde se pode ver o que a AELG propón como iniciativa para celebrar este día.

AQUÍ

E PARA VENRES....

O MECO di que toca FESTIVAAAALLLL....

4ª ORDE DO MECO

Para mañá xoves, O MECO di o seguinte:

3ª ORDE DO MECO

Para mércores,  o MECO di:

2ª ORDE DO MECO MARTES

PRAZA PÚBLICA TAMÉN FALA DA MANIFESTACIÓN POLO GALEGO

Unha  Praza da Quintana (Compostela·), ateigada de xente, na convocatoria de Queremos Galego en demanda de medidas que aseguren a transmisión xeracional dun idioma que non deixa de perder falantes entre a mocidade.

Clica  AQUÍ  para ver

#8F: MILLEIROS POLO GALEGO

Milleiros de persoas se manifestaron onte en Compostela na defensa do galego e contra as políticas lingüicidas do goberno galego.

Clica AQUÍ para ver.

ESTREA E REESTREA DE MANUEL NÚÑEZ SINGALA

Nesta entrevista a Manuel Núñez Singala, o autor fala dunha novidade súa, o libro Instrucións para tomar café e a reestrea da obra teatral O achado do castro.

Para vela, clica AQUÍ

ENTROIDO 2015

O Entroido tamén está a facer a súa chegada e xa temos MECO preparado coa súa primeira orde; mellor dito, temos dúas mecas… as inseparables Mucha e Nucha. Elas dannos a súa consigna para este luns: hai que vir ao instituto con calcetins de cores distintas, por riba do pantalón… estas da casa da Conexa…. Que ocorrencias teñen…

O ENDL e a Biblioteca, quere dar as grazas aos alumnos/as David, Bonia, Irene e Jesús de 4º ESO pola súa carreira contrarreloxo na elaboración do MECO porque sen a súa axuda inestimable non sería posíbel telo xa rematado. Da mesma maneira o fai co alumnado de 1º, 2º e 3º da ESO que estiveron elaborando o montón de corazóns que se fixeron. 

PREPARANDO O DÍA DO AMOR : 14 DE FEBREIRO

O día do amor (14 de febreiro) está a piques de chegar e o ENDL xa ten preparado na entrada do centro  un corazón enorme para que poidades colgar nel as mensaxes en galego que lles adicades a ovoso amor (á familia, á parella, ás amizades). Hai corazóns de dúas cores, segundo a quen vaia dirixida a mensaxe.

Ide escribindo o que queredes transmitir porque queremos ver ese corazón cheo doutros pequenos corazonciños; para iso temos este recunchiño para que tod@s vós abrades os vosos sentimentos e os expreses a quen máis desexades.

                                  FELIZ DÍA DO AMOR!!!!

QUÉROTE EN GALEGO

O Equipo de Normalización e Dinamización da Lingua Galega xunto coa biblioteca do centro, organizan esta actividade para todo o alumnado do centro co gallo da celebración do DÍA DO AMOR. Consiste en deixar mensaxes de amor ou de amizade para aquelas persoas a quen se desexe.  Corazóns malva e corazóns de cor verde atoparedes se  participar queredes. Non esquezades,  antes do 12 de febreiro na caixa de correo da biblioteca podedes depositalos.


        ANIMÁDEVOS  A DEIXAR MENSAXE!!! 

Cartaz do día do amor 14 de febreiro de 2015

CUMPREANAOS DE PRAZA PÚBLICA

Hoxe cúmprense tres anos desde que o xornal dixital Praza Pública botou a andar. Editado completamente en galego ao igual que o Sermos Galiza, nace en resposta á necesidade de cubrir o oco que deixaron outros medios en galego e que por mor da crise tiveron que pechar.

Parabéns a Praza Pública por este 3º aniversario e longa vida.

A REAL ACADEMIA GALEGA MANIFÉSTASE

A Real Academia Galega pídelle ao goberno da Xunta que asuma o Plan Xeral de Normalización da Lingua Galega e reclama a derrogación do Decreto do plurilingüismo aprobado no ano 2010.

Podedes ver a nova  clicando AQUÍ

CONTRA A DISCRIMINACIÓN DA NOSA LINGUA

A ESMORGA PRESENTE NA GALA DOS GOYA

A Esmorga é unha obra de Blanco Amor que  recentemente se levou do papel ao cine cun grandísimo éxito de público en toda Galicia. Agora aspira a ser premiada co máximo galardón que se outorga ao cine español: os GOYA


Podedes ver máis información se pinchades  AQUÍ

SEMANARIO SERMOS GALIZA

No noso centro, en concreto, na biblioteca estamos a recibir desde este curso o semanario SERMOS GALIZA que tamén se oferta na súa versión dixital. Está escrito integramente en galego.

O semanario Sermos Galiza sae á luz ,primeiramente na súa versión dixital, o 26 de abril de 2012 por mor do peche encadeado dos medios de comunicación en galego, o último deles, Galicia Hoxe. As promotoras e promotores desta iniciativa cidadá- á procura duns 3000 socios e accionistas que sustenten o proxecto- consideraron urxente o nacemento dun grupo de comunicación que respondese ás necesidades informativas do noso país no século XXI. Atrás da andaina informativa figuran os nomes  de Marga Romero, Néstor Rego, María Reimóndez, Nemesio Barxa, Xurxo Souto,Teresa Moure, Xosé Lois O Carrabouxo, Marica Campo e outr@s persoas relacionadas co mundo da cultura e a información.
A partires do 17 de maio dese mesmo ano, o semanario sae aos kioskos e puntos de venda na súa versión impresa.

Exemplares do SERMOS GALIZA na biblioteca.