ENMUPONTE: 11/2014

26/11/14

Alumnado de 2º ESO do IES Enrique Muruais recreou unha escea de violencia de xénero. Son esceas que, por desgraza, moitas veces se producen na vida diaria das parellas.

Vídeo 2º ESO

24/11/14

ACHEGÁNDONOS AO 25 DE NOVEMBRO

Desde 1999 aprobado pola Asemblea Xeral de Nacións Unidas, cada 25 de novembro celébrase o Día Internacional da Eliminación da Violencia contra a Muller.
Nesta data debemos manifestar o noso rexeitamento sobre todo tipo de violencia machista, consecuencia da desigualdade entre homes e mulleres e que supón un grandísimo atentado contra os dereitos fundamentais e os dereitos humanos.

Desde este blog, unímonos a esta causa e queremos que sexa unha homenaxe ás vitimas mortas e unha denuncia contra calquera acto de manifestación violenta contra as mulleres.

CO MALTRATADOR, TOLERANCIA CERO!!!

ENTREGA DE PREMIOS DO SAMAÍN

Hoxe no tempo do recreo, na biblioteca do instituto, o ENDL fixo entrega dos premios polos concursos de cabazas e de relatos pertencentes ao Samaín 2014. Os premios consistiron en vales canxeables por material escolar de 20, 15 e 10 € para os premiad@s no concurso de cabazas, así coma un diploma para cada un; para Felipe e Xoel, gañadores no concurso de relatos de medo, o premio foi duns libros de lectura e un diploma para cada un. Parabéns a Jairo, Lucía, Marina, Felipe e Xoel polos vosos agasallos!!!

Premios concurso de cabazas (Jairo,Marina e Lucía)

Premios concurso de relatos de medo (Felipe e Xoel)

20/11/14

HISTORIAS ARREDOR DAS BIBLIOTECAS

Amosámosvos os traballos que as nenas e nenos de 1º da ESO fixeron nas clases de Galego para conmemorar o Día das Bibliotecas Escolares. Agardamos que vos gusten!!

Biblioteca from luscofusco13

BibliotecasIII from luscofusco13

Biblioteca II from luscofusco13

17/11/14

PREMIADOS NOS RELATOS DE MEDO SAMAÍN 2014

O xurado formado por membros do ENDL decidiu cal dos traballos presentados ao concurso de relatos de medo foi o premiado nesta edición do Samaín 2014. O agasallo consiste nun lote de libros e un diploma e os concursantes gañadores son Xoel Rodríguez Fernández e Felipe Rodríguez García, alumnos de 1º ESO. O relato gañador leva por título UNHA TERRORÍFICA ACAMPADA.

PARABÉNS Xoel e Felipe polo voso traballo!!!

Ao resto de concursantes, queremos agradecervos a vosa participación e dicirvos que continuedes co voso labor de escribir e presentar as vosas colaboracións neste tipo de eventos literarios.

Tod@s os que gañastes, tanto no concurso de cabazas como no de relatos de medo,vaisevos avisar esta semana para que recollades os vosos agasallos, así como o lugar e a hora.

MIL GRAZAS A TOD@S!!!

CONCURSO DE CABAZAS SAMAÍN 2014

Xa resolto o concurso de cabazas que fixemos para celebrar o Samaín, temos gañador@s... Son os seguintes:

1º PREMIO: Jairo Pardo Expósito 2º ESO Vale de 20 € en material escolar.

2º PREMIO: Lucía Lourido Cigarrán 1º ESO Vale de 15 € en material escolar.

3º PREMIO: Marina Ramírez de Arellano Luengo 1º ESO Vale de 10 € en material escolar.

PARABÉNS AOS PREMIAD@S!!!

As demais cabazas presentadas ao concurso tamén estaban chulis, claro que si, pero….agasallos só había para tres… agradecémosvos moitísimo a vosa participación e agardamos que para a próxima edición vos animedes e participedes máis, porque sen a vosa colaboración isto non se fai posíbel.