Para conmemorar o Día Internacional do Libro, alumnado do centro dos cursos de 1º, 2º ESO e 4º ESO e 2º BAC da materia de TIC elaboraron marcapáxinas. Elixiuse ao remate, o de Ana Hernández Martínez de 1º ESO co que se repartiu entre a comunidade educativa do centro. Deixamos algunhas das mostras ds traballos feitos pol@s alumn@s.
Dende o EDLG agradecemos a participación do alumnado e profesorado colaborador e felicitamos a Ana Hernández polo seu deseño.
Coincidindo
coa conmemoración do Día Internacional do Libro, foi a presentación desta obra
na Casa da Cultura da Pontenova. Retorno sen volta, un libro de poemas cuxo
autor é Xosé Lastra Muruais con ilustracións de Leandro Lamas e publicado por
Alvarellos.
No seu limiar, as verbas de Rosalía Fernández Rial: "Ao anainar este libro entre as mans, lectora,lector, completarás con catarse os ocos do teu baleiro, porque só se pode seguir camiño combatendo a dor con cantos. Sexamos, pois, cómplices dos pequenos himnos cotiáns, tribo verbal, rebeldía fronte á devastación".
Cando tiña seis anos
transladouse coa familia a Ourense e posteriormente a Palencia e Valladolid
onde cursou o Bacharelato e a carreira de Dereito. En 1928 a familia regresou a
Córgomo e Florencio comeza a traballar como pasante nun bufete de abogados
no Barco de Valdeorras. Neste tempo
escribe moitos versos e publica artigos xornalísticos en A Nosa Terra e O Heraldo de Galicia co pseudónimo de
Korgomófilo.
No 1933 ingresou no
Partido Galeguista. Nesta época coñeceu a Castelao ao que lle dedicará o libro O soño do guieiro.
Co comezo da guerra civil,
FDG foxe de Valdeorras a Portugal, Francia e por último a México onde vivirá o
seu exilio. O Partido Galeguista edita en México no 1943 Cancioneiro da loita galega
no que colabora Florencio con poemas relacionados coa guerra civil e a
resistencia antifranquista. Florencio, ao chegar a México, tivo varios empregos
e traballou nunha empresa farmacéutica ata a súa xubilación.
Colaborou facendo
traducións de poetas franceses no volumen Poesía inglesa e francesa vertida ao galego publicado
pola Editorial Galaxia en 1946 e que foi premiado pola Federación das
Sociedades Galegas da Arxentina. Foi un dos creadores do programa radiofónico
en galego A Hora de Galicia que estivo
en antena en México durante case 20 anos. Tamén foi un dos fundadores, en 1959,
da revista en galego Vieiros con Luis
Soto e Carlos Velo. Deixouse de editar en 1968.
En 1963, a Editorial
Galaxia publica Galicia Infinda, obra que recolle unha boa parte dos poemas de
postguerra; agrupados en cinco partes: Cantarenas, Valdeorras, Castiñeiros,
Varia e Poemas mexicanos.
Edicións do Castro
publicou en 1971 Cantarenas que recolle poemas de Bebedeira ,Valdeorresas e
Dionisias. O tema central son as terras de Valdeorras e o mundo do viño.
O Soño do guieiro
foi publicado en 1986 por Edicións do Castro e está dedicado ao seu amigo
Castelao. Recolle poesía da loita, de combate, da guerra civil, da postguerra e
do exilio mexicano.
A derradeira visita de FDG
a Galicia tivo lugar en 1981 e en Valdeorras foi recoñecido como membro
correspondente da Real Academia Galega.
Florencio faleceu en
California o 14 de maio de 1987 nunha visita a unha das súas fillas. As súas
cinzas foron transladadas a Córgomo o 12 de xullo dese mesmo ano.
O último videocotián antes de comezar as vacacións de Semana Santa, achéganolo Álvaro de 3º ESO cun tema de Ana Kiro e que leva por título Galicia Terra Meiga.
Moitas grazas, Álvaro!!
A finais do 2021, chega ás librarías A Toponimia da Pontenova. Libro editado pola Real Academia Galega e que pertence á colección Terra Nomeada. A súa autora, Xulia Marqués Valea, é doutora especialista en toponimia e xa conta no seu haber con outra publicación A Toponimia de Trabada.
Moi interesante publicación na que se explica cal é a orixe e o posible significado dos nomes das once parroquias e as 102 entidades de poboación do noso concello. Algúns dos topónimos analizados como Neipín, O Puiteiro ou Brandiz son únicos en toda Galiza.
Podedes botarlle unha ollada A toponimia da Pontenova
Incorporamos a publicación de dous vídeos pertencentes á actividade anual VIDEOCOTIÁN cuxas autoras son Carla e Nuria de 1º de BAC.
O vídeo de Carla inclúe o tema Verdes herbas do desaparecido grupo de folk dos anos 80, Doa.
Nuria creou o seu vídeo a partir do coñecido poema de Rosalía Adiós ríos e que foi musicalizado por Amancio Prada.
Moitas grazas, rapazas, pola vosa contribución e agardamos que sigades participando.