DÍA DE ROSALÍA

Hoxe 24 de febreiro cúmprese o 180 aniversario do nacemento da nosa poeta, de Rosalía de Castro, referente indiscutíbel das nosas Letras. Un ano máis, queremos reivindicar a súa figura.


                  Airiños, airiños aires;
                  airiños da miña terra
                  airiños, airiños aires
                  airiños levaime a ela.

                                                 

MANNEQUIN CHALLENGE

O IES Enrique Muruais quixo unirse á iniciativa da Academia de Escritoras e Escritores da Lingua Galega (AELG) que propoñía honrar á figura de Rosalía de Castro coa gravación dun mannequin challenge. Este é o resultado da actividade realizada co alumnado desde 1º a 4º da ESO. Agardamos que vos guste.

Para ver, preme AQUÍ

ÚLTIMO DÍA!!

Mañá venres, o último día da semana do Entroido, o  MECO propón....

EXPOSICIÓNS NA SEMANA DO ENTROIDO

Na entrada do centro, no primeiro andar, festexando o Entroido están colocados nos taboleiros distintos motivos referidos non só á decoración coa presenza do MECO que manda as ordes para vir cun disfraz distinto cada día, senón tamén as carautas e antifaces elaborados polo alumnado para concursar así como unha recompilación de cantigas, ladaíñas e ditos propios desta festa. Recóllese tamén nun mapa, as zonas de Galicia nos que esta festa do Entroido adquire unha relevancia absoluta, froito dunhas tradicións moi ancestrais.

SEMANA DE CELEBRACIÓNS

Nesta semana, venres 24 de febreiro tamén se celebra o DÍA DE ROSALÍA para conmemorar o 180 aniversario do seu nacemento. O noso instituto tamén se suma ás celebracións de todos os centros de ensino de Galicia para festexar á escritora, figura esencial da nosa Literatura e do noso idioma.
Nun par de días subiremos a esta páxina  o traballo que entre tod@s fomos elaborando.
Mentres tanto, o EDNL anima a todo o mundo que estea nas redes sociais  a que poña no seu perfil, unha foto de Rosalía.
Podedes velo na nosa conta de Twitter @enmuponte

ORDE DO MECO PARA MAÑÁ XOVES

Case a puntiño de rematar as ordes do MECO, este propón para o penúltimo día...

O MECO MANDA...

Que para mañá mércores...

IMOS A POLO MARTES...

A orde do MECO para mañá martes di que...

pero sen esquecer o gorro/pano/chapeu de hoxe.

CARAUTAS, ANTIFACES...

Dende este pasado venres quedaron expostos as carautas e antifaces do I concurso que celebramos co gallo da celebración do Entroido no centro. Non se animou moito alumnado a participar, pero quen o fixo, amosou creatividade e boas dotes artísticas. Moitas grazas por esa participación e agora agardamos a que o xurado escolla @s tres mellores...sorteeeee

COMEZA A TROULA!!

Luns 20 é o primeiro día da semana do Entroido... imos coller un chapeu, un pano ou un gorro e seguimos as ordes que este ano nos envía o MECO... adiante, a disfrazarse todo o mundo!!!

DÍA DO AMOR

Como sabedes, o vindeiro 14 de febreiro é o Día do amor. Dende o EDNL propoñémosvos facer un chío no Twitter para celebrar ese día que tanto nos gusta. Co hastag #NamórameCoaLingua imos tod@s chiar ben forte... á nosa parella, a un amigo ou amiga, a xente que admiramos...mesmo á nosa mascota... a quen queirades!!
Podedes seguirnos na nosa conta do EDNL no twitter

                          @enmuponte

     

DÍA DA PAZ

O 30 de xaneiro celebramos o Día Internacional da Paz no noso centro. Por parte dos diferentes cursos elaboraron  bandeiras, cartaces e frases alusivas a esta conmemoración. Tamén se expuxeron os paneis dos pacifistas Ghandi e Mandela que están na biblioteca do centro e  que, nesta ocasión, compartiron espazo cos traballos dos alumnos e alumnas.