 |
| Cartel anunciador do concurso de postais do Nadal 2012 (Bea Fiallega) |
Nestes días iremos poñendo fotos das postais que elaborou o alumnado e as que resultaran gañadoras.
16/12/12
NADAL 2012
Nestes días iremos poñendo fotos das postais que elaborou o alumnado e as que resultaran gañadoras.
8/12/12
SENTENZA CONTRA O DECRETO DO PLURILINGÜÍSMO
O
Tribunal Supremo vén de ditar sentenza contra algúns puntos do Decreto do
plurilingüísmo, en concreto os seguintes:
- A consulta aos pais, sobre a lingua vehicular que
desexaban para os seus fillos, non será en ningún caso vinculante. Será a
Consellería quen deba lexislar sobre esta cuestión.
- Tamén se derroga o punto que lles permitía aos
alumnos usar a lingua vehicular que desexasen en cada materia,
independentemente da lingua vehicular en que esa materia fose impartida.
As reaccións non se fixeron esperar e, como sempre, cada quen interpreta a sentenza ao seu entender. A Xunta, o organismo realmente responsable e que debe acatar o dito pola Xustiza, afirma (inexplicablemente) que a sentenza avala o texto do Decreto, que tamén avalaron os cidadáns nas urnas. Quere isto dicir que non vai acatar a sentenza?
Se a queredes ler completa e así evitar interpretacións alleas, clicade aquí
Nós, mentres, seguiremos coa nosa política lingüística: empregaremos a lingua propia con orgullo; respectaremos, aprenderemos e utilizaremos as demais linguas cando sexa necesario e/ou preceptivo: porque as linguas suman; non se exclúen, nin compiten, nin pelexan entre elas.
3/12/12
OBRADOIRO DE LUSOFONÍA
O venres 30 de novembro houbo no centro para o alumnado de 1º e 2º da ESO un Obradoiro de lusofonía que se nos propuxo dende a área de Cultura da Diputación Provincial de Lugo. Encargouse de impartilo Loaira que pertence á Associaçom Galega da Lingua.
Ao alumnado quedoulle claro que se sabemos galego, é moito máis doado aprender portugués e mesmo lles pode abrir as portas, nun futuro, de cara a outros países de fala lusófona.
23/11/12
19/11/12
SAMAÍN -MAGOSTO 2012
Durante a semana do 5 ao 9 de novembro, no IES Enrique
Muruais celebramos o SAMAÍN. Ademais de decorar o centro na entrada do mesmo,
tamén fixemos unha exposición de cabazas . O alumnado de 1º ciclo da ESO foi o
encargado de traer da casa as cabazas que previamente “tunearon” e os
alumnos/as de 3º e 4º da ESO encargáronse de elaborar carteis. Houbo concursos
para todo elo, recibindo os gañadores
diplomas como agasallos.
Dende o luns até o xoves, tamén se fixeron lecturas derelatos de medo
por parte do alumnado de 1º ciclo, durante o tempo de recreo e o venres
entregáronse os premios aos gañadores dos concursos.
Paralelamente á celebración do SAMAÍN, o venres día 9
despois da entrega de premios aos gañadores dos concursos, todo o alumnado do
centro participou en xogos populares: Tiro ao pao, carreiras de sacos, o brilé,
aros , bolos celtas e tiro á corda. O
broche á xornada púxoo un MAGOSTO no que
profesorado e alumnado do centro participou… foi un día xenial para todos!!!
Ides poder ver fotos de todo o que fixemos…
12/11/12
ALUMNADO DO IES ENRIQUE MURUAIS COA CIENCIA EN GALEGO
Nova que saiu no diario El Progreso do pasado día 8 sobre as actividades de conmemoración do III Día da Ciencia en Galego no Campus Universitario de Lugo ao que asistiu o noso alumnado de Bacharelato.http://elprogreso.galiciae.com/nova/209090.html
III DÍA DA CIENCIA EN GALEGO
 |
Este ano a IGACIENCIA (Institución Galega de Ciencia) propuxo centrar a celebración na tecnoloxía e nas figuras de Leonardo da Vinci e mais o galego Ramón Verea, inventor, entre outras cousas, dunha das primeiras calculadoras.
SEMANA DO MEDO
Un ano máis achégase a festa do Samaín e no noso IES imos celebralo facendo un concurso-exposición de cabazas para 1º e 2º da ESO e un concurso de carteis para 3º e 4º. Ademais, coma os cursos pasados, decoraremos o centro e faremos lecturas sobre relatos de terror no tempo do recreo ao longo da semana do 5 ao 9 de novembro. Ánimádevos e ide preparando as vosas obras de arte!!
Suscribirse a:
Entradas (Atom)