MINI E MERO TOCAN PENÉLOPE

DÍA DAS LETRAS GALEGAS 2014

A Real Academia Galega decidiu dedicarlle o Día das Letras Gaegas deste ano ao poeta de Guitirz Xosé María Díaz Castro (1914-1990), autor de NIMBOS (1961) considerada un dos cumes da poesía galega moderna e que consagraría ao seu autor no contexto da literatura galega de postguerra. Este poemario contén  "Penélope", poema amplamente celebrado pola súa beleza e a fonda reflexión sobre Galicia.

     Penélope. X. M. DÍAZ CASTRO

  Un paso adiante i outro atrás, Galiza,

i a tea dos teus sonos non se move.

A espranza nos teus ollos se esperguiza.

Aran os bois e chove.

Un bruar de navíos moi lonxanos

che estrolla o sono mól coma unha uva.

Pro tí envólveste en sabas de mil anos,

i en sonos volves a escoitar a chuva.

Traguerán os camiños algún día

a xente que levaron. Deus é o mesmo.

Suco vai, suco vén, Xesús María!,

e toda a cousa ha de pagar seu desmo.

Desorballando os prados coma sono,

o Tempo vai de Parga a Pastoriza.

Vaise enterrando, suco a suco, o Outono.

Un paso adiante i outro atrás, Galiza!

DÍAZ CASTRO, José María, Nimbos, Vigo, Editorial Galaxia, 1961.

NON SON FADA NIN PRINCESA

Aquí vos deixamos un video da actuación de SÉS  no concerto que ofreceu na Casa da Cultura para o IES Enrique Muruais.

SÉS... PURA RAZA

Co aforo practicamente completo formado polo alumnado do noso centro e o que veu do IES Illa de Sarón de Xove, profesorado dos dous centros de ensino,  mais outra xente que se achegou a vela, ás 16 horas daba comezo o concerto de SÉS na Casa da Cultura da Pontenova. Impresionante o directo desta muller que acompañada do seu guitarrista Tito Calviño, fixo un repaso da súa discografía con temas como Milonga de aquí, Rebelarse a conciencia, Canto aquí, canto na Habana do seu último traballo Co xenio destrozado e outros temas do seu primeiro disco Admirando a condición como De catro a catro, Tola atrás de ti ou Non son fada entre outros.  Ao primeiro expectación dun público, sobre todo o noso, que agardaba ver quen era a cantautora, pero que co paso do tempo durante máis dunha hora que durou o concerto, conectaba con ela animando o resto do tempo. Tamén compartiu connosco uns versos e quixo que a acompañáramos nunha das súas cancións. 

Ao remate da súa actuación, houbo unha sesión de fotos para os que quixeron plasmar eses momentos e unha pequena entrevista que o alumnado de Xove lle quixo facer. Foi unha tarde que de seguro que non esqueceremos.

Deixamos unhas fotos para que as vexades, pero aínda subiremos algún vídeo.

MARTES 6 XORNADA DE INTERCAMBIO IES ENRIQUE MURUAIS - IES ILLA DE SARÓN

PROGRAMA

      10:20  Chegada do alumnado do IES Illa de Sarón.

      10:20 -10:50 Recepción e presentación do noso centro e contorna na aula de audiovisuais.

      11:00 -13:30  Chegada aos Fornos. Recepción pola Concelleira de Turismo. Explicación sobre a orixe da vila e dos Fornos. Roteiro pola vía verde do antigo ferrocarril mineiro.

      13:30 – 14:30  Xantar campestre na área recreativa de Saldoira.

      14:30 – 15:30  Volta camiñando á Pontenova.

      15:30 – 15:45  Chegada á Casa da Cultura e entrada.

      16:10 – 17:30  Concerto de Sés.

      17:30 – 17:50  Volta ao instituto e despedida.

CONCERTO DE SÉS NO IES ENRIQUE MURUAIS

Co gallo da celebración do Día das Letras Galegas, o EDL do IES Enrique Muruais  vén de organizar un concerto, xunto coa Biblioteca, da cantautora galega SÉS. Será o día 6 de maio na Casa da Cultura ás 16 horas. Como ese é o día no que alumnado e profesorado do club de lectura do IES Illa de Sarón de Xove nos visita tamén a nós, van ter a oportunidade de vela e escoitala en directo. Agardamos que vos guste o concerto e, por suposto, que animedes moito!!!