REVISTA OLLOS DE AULA

En outubro do 2012 nacía  Ollos de aula, a revista do CGENDL para as familias do alumnado. Déixasevos aquí un enlace da súa web para que, aquelas nais e pais que así o desexedes, poidades darlle unha ollada tanto ao último número de febreiro coma ao sumario enteiro dende que saiu editada por primeira vez.


http://www.coordinadoraendl.org/limiar.php?pax=ollosdeaula%2Follosdeaula.html

O MECO E AS SÚAS ORDES

Xa temos o MECO do noso Entroido e esta vez tocoulle representar a  un personaxe moi moi coñecido,controvertido, pero nada popular entre o estudantado... non fai falla que se vos diga quen pode ser que ben o coñecemos tod@s, asi que que se prepare, que o imos poñer a traballar toda a semana que queda... vai facer algo que se lle dá moi ben, que é dar ordes. Aí vos queda... nesta ocasión facédelle caso e atent@s ao que vos pide porque o próximo luns debedes aparecer co que vos di.

DÍA INTERNACIONAL DA LINGUA MATERNA

Hoxe 21 de febreiro é o Día Internacional da Lingua Materna. Parabéns a tod@s @s galegofalantes!!!


   http://youtu.be/8oUL3s2UG-A

ENTROIDO 2014

VENRES DE ENTROIDO NO IES ENRIQUE MURUAIS

O día 28 de febreiro celebramos o Entroido no noso centro, asi que, idevos preparando para pasalo ben!!
Haberá concursos de comparsas dos diferentes cursos, concursos de karaoke e como non! ... non podía
faltar tamén o concurso de larpeiradas que o alumnado preparará nas súas casas e traerá ao centro. Iremos informándovos estes días de como vai a cousa... estade atent@s!!

Cartaz feito por Bonia Campos de 3º ESO

DOCUMENTAL SOBRE DÍAZ CASTRO

 Podedes consultar este enlace onde se pode ver o traballo que o alumnado do IES Poeta Díaz Castro de Guitiriz, elaborou co gallo da homenaxe que este ano se lle fará ao escritor como figura central das Letras Galegas.              http://about.me/documentaldiazcastro

CEN ANOS DO NACEMENTO DO POETA DÍAZ CASTRO

                                                  XOSÉ Mª DÍAZ CASTRO



O día 19 de febreiro cúmprense cen anos do nacemento do poeta Díaz Castro, figura homenaxeada este ano polas Letras Galegas. Para máis información, podedes ver este enlace:


     http://ouvirmos.com/web/2014/02/100-anos-de-diaz-castro/

CONCURSO DE AMOR "E SE LLO DIS EN GALEGO?"

Estamos no mes de febreiro, no mes do amor e queremos animarvos a que deixedes a vosa mensaxe agarimosa. Unha frase, un poema, onde expresedes todo o que sentides. As bases para este concurso están nos taboleiros de cada clase. Cando a teñades enviádea ao seguinte enderezo de correo electrónico que se vos indica máis abaixo e non esquezades que a data límite para facelo é o 21 de febreiro.



                                     cgalescola@gmail.com


               ANIMÁDEVOS E PARTICIPADE!!!