VIDEOCOTIÁN CARLA 1º BAC

 

VIDEOCOTIÁN

 Incorporamos a publicación de dous vídeos pertencentes á actividade anual VIDEOCOTIÁN cuxas autoras son Carla e Nuria de 1º de BAC.

O vídeo de Carla inclúe o tema Verdes herbas do desaparecido grupo de folk dos anos 80, Doa.

Nuria creou o seu vídeo a partir do coñecido poema de Rosalía Adiós ríos e que foi musicalizado por Amancio Prada.

Moitas grazas, rapazas, pola vosa contribución e agardamos que sigades participando.

DÍA INTERNACIONAL DA POESÍA

 Ademais doutros traballos de aula que serán expostos no seu momento, o EDLG colaborou coa Biblioteca do centro e dende as titorías coa pegada nas portas das aulas de poemas de escritoras e escritores  máis actuais e contemporáneos, para dar a coñecer as súas obras entre o alumnado.

REIVINDICANDO A IGUALDADE 8M

No 8M, o EDLG tamén se sumou a esta reivindicación cun acto no recreo que consistiu na lectura en galego do poema de Elvira Sastre SOMOS MULLERES por parte de alumnas de todos os cursos do centro.

VIDEOCOTIÁN ÁLVARO 3º ESO. O pirimpimpin. Malvela

Unha vez máis, Álvaro  fainos chegar  un novo vídeo para a actividade do VIDEOCOTIÁN. Desta volta, un tema moi popular e coñecido, O pirimpimpin do grupo de mulleres Malvela.

Dende aquí, agradecemos a Álvaro de 3º ESO as súas inestimables aportacións á actividade, animándoo a seguir con elas e agardamos que tamén se anime máis alumnado a participar.

ESTIVEMOS DE ENTROIDO!!

 Esta semana, de luns a venres celebramos no IES o Entroido. Houbo animación e tanto profesorado como alumnado, luciron os seus disfraces, tal e como o meco dispuxo.

HOMENAXEANDO A ROSALÍA

 

O día 23 conmemorouse no IES Enrique Muruais o nacemento de Rosalía de Castro. Dende o EDLG decidimos  unirnos un ano máis, ás  suxestións da Asociación de Escritoras e Escritores en Lingua Galega para celebrar esta data.

Nun acto central, durante o recreo, agasallámonos un libro e unha flor entre o profesorado e o alumnado participante. O centro aportou o libro de lectura O Principiño para todas e todos que quixeron sumarse á iniciativa. A biblioteca aportunos as obras disponibles da autora homenaxeada , así como tamén  houbo profesorado que quixo  ceder para a exposición, distintas edicións da obra rosaliana.

Paula, alumna de 1º BAC leu o Manifesto para este día, redactado pola escritora Beatriz Maceda Abeleira.

Ademais nas clases, tamén se fixeron traballos co alumnado tanto a nivel plástico coa confección do mural de Rosalía como coa elaboración de flores que levaban escritos versos das súas obras; traballamos   con poemas e textos narrativos sobre a vida e obra da poeta.

 Estes traballos iranse expoñendo ao longo  do mes de marzo, mes da poesía que rematará o 21 coa conmemoración do Día Mundial da Poesía.