BO NADAL!

Rematamos este primeiro trimestre co concurso de postais de Nadal. Durante as dúas últimas semanas, o alumnado confeccionou as súas, ben por libre ou axudados pola profesora de Plástica na súa aula.
Coma todos os anos,houbo bastante participación e a postal gañadora coa que se felicita a toda a comunidade educativa foi a de Antía Cabodevila Gutiérrez de 3º da ESO...noraboa Antía!

Todas estaban moi ben e foi difícil elixir cales eran as finalistas. En 2º lugar quedou a de Marcos Macía González de 1º ESO e en 3º lugar a da alumna de 1º da ESO, Nuria Torre Monasterio. Noraboa tamén a vós. Á volta das vacacións farásevos a entrega dos agasallos.

Dende o ENDL queremos darvos as grazas a tod@s @s que participastes polo voso bo labor, a ilusión e o tempo invertido en facer as vosas creación. Animávosvos  a seguir participando nestas actividades tan lúdicas e motivadoras.

Dende este mesmo recuncho, aproveitamos para desexarlle a toda a comunidade educativa do IES Enrique Muruais un feliz Nadal e un próspero aninovo 2019.

Antía Cabodevila Gutiérrez 3ºESO

CONCURSO DE POSTAIS DE NADAL 2018

Deseguido, deixámosvos unhas fotos da exposición das tarxetas de Nadal desta edición do 2018.

2º premio concurso de postais do Nadal. Autor: Marcos Macía González 1º ESO

3º premio concurso postais do Nadal. Autora: Nuria Torre Monasterio 1º ESO

OBRADOIRO DE REGUEIFA

Dende Bergantiños chegaron Lupe Blanco e Óscar García para facer co alumnado de 1º e 2º da ESO un obradoiro de poesía. Durante 90 minutos estiveron connosco amosándonos a súa arte, regueifando e ensinándonos a facelo nós.

Despois de presentarse en modo copla, tamén quixeron que @s alumn@s comprobasen como esta é unha arte onde se improvisa e nada está preparado. Despois dunha introdución teórica na que explicaron no que consistía esta arte, tocou pasar a unha parte práctica na que nenos e nenas inventaron as súas estrofas e deseguido regueifaron.

Resultou unha tarde moi amena , o alumnado divertiuse un montón e comprobou que a poesía non ten por que ser aburrida nin seria.

Cremos que tanto Lupe como Óscar tamén o pasaron moi ben… dende este blog queremos agradecerlles a súa visita e prometemos seguir regueifando e inventando moitas coplas.

VISÍTANOS LUPE BLANCO

Nun intento de achegar a poesía ás aulas, partindo do noso patrimonio e tradición, da nosa cultura,  fomentando a  vea artística e creativa do alumnado e mellorando o emprego da lingua no que se refire especialmente á destreza oral, o martes 11 nas dúas sesión da tarde imos ter no centro a Lupe Blanco impartindo ao noso alumnado de 1º e 2º da ESO un Obradoiro de regueifa.

Para quen non saiba  o que é o mundo da regueifa  ou ben desexe ampliar os seus coñecementos, deixámosvos unha ligazón onde podedes consultar.

http://www.regueifa.org/quen-somos

TEMPO DE NADAL

Achégase a época do Nadal e, como cada ano, o ENDL convoca ao alumnado do centro para participar no concurso de postais. As bases que rexen nesta nova convocatoria son as seguintes:

1. Poderán participar tod@s @s alumn@s do centro.
2. Os traballos presentaranse nunha cartolina tamaño A-4 e poderase empregar calquera tipo de técnica. Deben incluír obrigatoriamente un lema alusivo ao tema, redactado en galego.
3. Os traballos non levarán o nome na cartolina, senón que se acompañarán en folio á parte cos datos d@participante.
4. Valorarase a orixinalidade e a creatividade.
5. O prazo de presentación dos mesmos será do 10 ao 14 de decembro como data límite.
6. O xurado estará composto por membros do ENDL.
7. A tarxeta gañadora do 1º premio será a oficial do instituto para parabenizar estas festas.

1. 

SAMAÍN E MAGOSTO

Durante a última semana de outubro celebramos no centro Samaín . O ENDL programou diversas actividades como foronunha exposición de libros de terror( xunto coa Biblioteca do centro), un concurso de relatos de terror, un concurso de cabazas tuneadas  e outro de chapeus . @s gañador@s destes concursos foron os seguintes:

Concurso de relatos de medo:

1º premio: Nuria López Torviso e Rosalía Maseda Rico (1º ESO)

2º premio: María Alonso Fernández (3º ESO)

3º premio: Carme Alonso Mourelle (3º ESO)

Concurso de cabazas tuneadas:

1º premio: Paula Rodríguez Fernández 1º ESO

2º premio:  Samuel Lourido Cigarrán (1º ESO) e Iria Goyos Moirón (2º ESO)

3º premio: Mención especial para a cabaza de Daniel Cabodevila Gutiérrez (1ºESO)

Concurso de chapeus:

1º premio: Luana Bizinella Dornelles (4ª ESO)

Todo o alumnado gañador dos concursos, recibiu agasallos ao seren premiadas as súas colaboracións.

Tamén en colaboración co Departamento de Actividades Extraescolares e Complementarias, o martes 30 pola tarde, celebramos o magosto no instituto e de seguido houbo xogos tradicionais para o alumnado,  que programou o Dpto. de Educación Física.

 Deixámosvos una mostra do que foi a actividade deste ano.

Magosto

Magosto

Magosto

Exposición de cabazas

Concursos

Xogos populares

Exposición de libros de terror

Entrega de premios dos concursos

NOVO EQUIPO DE NORMALIZACIÓN LINGÜÍSTICA

Neste curso 2018-2019, o ENDL está formado polas seguintes persoas:

Profesorado:

Elena Aller González

Carme López Peón (coordinadora)

Ana María Loriente Acebedo

Ángeles Rodríguez Llamazares

Alumnado:

Nuria López Torviso ( 1º ESO)

Adriana Luculescu (2º ESO)

Juan Díaz Alonso (3º ESO)

Celtia Dorrío Rico (4ºESO)

Denise Cancelas Mera (1ºBAC)

Izaskun Val López (2º BAC)

Representante da Administración e Servizos

José Manuel Ginzo García

PAULA COMENDEIRO GAÑADORA DO CONCURSO DE REDACCIÓN MARIÑA FOLGUEIRA

A finais do pasado curso 2017-2018, o noso centro participou no Concurso de Redacción Xornalística María Folgueira  que na súa cuarta edición convoca a Asociación de veciños de Reigosa (A Pastoriza).

Da man de María Expósito (antiga compañeira do Dpto.. de Galego)concursamos por segundo ano consecutivo. E desta volta, grazas a Paula Comendeiro, alumna daquela de 1º ESO, acadamos un premio co seu traballo que levou por título SEMPRE EN GALIZA.Foi o traballo premiado no apartado do 1º ciclo da ESO.

O premio para Paula consistiu nunha tablet en un lote de libros, mentres que o centro tamén foi agasallo con outro lote de libros.

O xurado que valorou os traballos da rapazada estivo formado por xente de prestixio do eido das letras, do xornalismo e da cultura galegas: Manolo Gago, Alberto Barciela, Paulino Novo, Xurxo Salgado e Mini.

A entrega de premios levouse a cabo o 16 de agosto ás 16:00 horas no Edificio Socio- Cultural Mariña Folgueira de Reigosa.

Dende este blog, queremos dar as grazas, en primeiro lugar a Paula polo seu traballo e sacrificio, a Asociación de veciños de Reigosa e tamén á nosa compañeira e amiga María Expósito.  

MIL GRAZAS!!!

Podedes ver fotos AQUÍ