DÍA DO LIBRO 2017

O domingo 23 de abril, celébrase o Día Internacional do Libro e dos Dereitos de Autor.

"O idioma é a forza que nos xungue e sostén; se perdemos a fala non seremos ninguén" M. María

VISITANNOS XOSÉ TOMÁS E YOLANDA CASTAÑO

O martes 25 estará connosco no instituto o ilustrador  Xosé Tomás realizando un obradoiro  para o alumnadoda ESO.
Da mesma maneira, o venres 28 contaremos coa presenza da poeta Yolanda Castaño para realizar co alumnado de 1º, 3º e 4º da ESO un obradoiro de poesía. Actividades todas estas organizadas pola  biblioteca escolar e o ENDL e que se enmarcan dentro do programa Diverxe de obradoiros creativos para centros de ensino.

UNHA VISITA MOI ESPECIAL

Organizada polo EDNL en colaboración co departamento de acividades estraescolares, mércores 15 de febreiro recibimos a Luis Iglesias, actor da serie Matalobos e veciño de Riotorto. Será ás 12:30 horas.


                                     

DÍA DE ROSALÍA

Hoxe 24 de febreiro cúmprese o 180 aniversario do nacemento da nosa poeta, de Rosalía de Castro, referente indiscutíbel das nosas Letras. Un ano máis, queremos reivindicar a súa figura.


                  Airiños, airiños aires;
                  airiños da miña terra
                  airiños, airiños aires
                  airiños levaime a ela.

                                                 

MANNEQUIN CHALLENGE

O IES Enrique Muruais quixo unirse á iniciativa da Academia de Escritoras e Escritores da Lingua Galega (AELG) que propoñía honrar á figura de Rosalía de Castro coa gravación dun mannequin challenge. Este é o resultado da actividade realizada co alumnado desde 1º a 4º da ESO. Agardamos que vos guste.

Para ver, preme AQUÍ

ÚLTIMO DÍA!!

Mañá venres, o último día da semana do Entroido, o  MECO propón....

EXPOSICIÓNS NA SEMANA DO ENTROIDO

Na entrada do centro, no primeiro andar, festexando o Entroido están colocados nos taboleiros distintos motivos referidos non só á decoración coa presenza do MECO que manda as ordes para vir cun disfraz distinto cada día, senón tamén as carautas e antifaces elaborados polo alumnado para concursar así como unha recompilación de cantigas, ladaíñas e ditos propios desta festa. Recóllese tamén nun mapa, as zonas de Galicia nos que esta festa do Entroido adquire unha relevancia absoluta, froito dunhas tradicións moi ancestrais.