E sobre todo, non esquezades que cómpre sementala todo o ano!!
O esquecernos o galego
para falar en castrapo,
é coma o choio da toupa
que os ollos deu por un rabo.
(O soño do guieiro, 1986)
O tema Moreniña do desaparecido grupo folk Quempallou sérvenos de fondo para musicalizar o vídeo que nesta ocasión nos envía Álvaro de 3º ESO. Ánimo, Álvaro, queda só xuño e agardamos un novo traballo teu para rematar este curso.
Moitas grazas polos teus aportes!
Subimos a última aportación videomusical de Álvaro de 3º ESO dentro da actividade anual VIDEOCOTIÁN. Nesta ocasión, envíanos o tema Se chove do grupo de música tradicional Treixadura. Un vídeo que invita á paz e á harmonía cun fondo paisaxístico espectacular.
Moitas grazas, Álvaro polo teu novo traballo!! Seguimos gozando con todo o que nos mandas.
Para conmemorar o Día Internacional do Libro, alumnado do centro dos cursos de 1º, 2º ESO e 4º ESO e 2º BAC da materia de TIC elaboraron marcapáxinas. Elixiuse ao remate, o de Ana Hernández Martínez de 1º ESO co que se repartiu entre a comunidade educativa do centro. Deixamos algunhas das mostras ds traballos feitos pol@s alumn@s.
Dende o EDLG agradecemos a participación do alumnado e profesorado colaborador e felicitamos a Ana Hernández polo seu deseño.
Coincidindo
coa conmemoración do Día Internacional do Libro, foi a presentación desta obra
na Casa da Cultura da Pontenova. Retorno sen volta, un libro de poemas cuxo
autor é Xosé Lastra Muruais con ilustracións de Leandro Lamas e publicado por
Alvarellos.
No seu limiar, as verbas de Rosalía Fernández Rial: "Ao anainar este libro entre as mans, lectora,lector, completarás con catarse os ocos do teu baleiro, porque só se pode seguir camiño combatendo a dor con cantos. Sexamos, pois, cómplices dos pequenos himnos cotiáns, tribo verbal, rebeldía fronte á devastación".
Cando tiña seis anos
transladouse coa familia a Ourense e posteriormente a Palencia e Valladolid
onde cursou o Bacharelato e a carreira de Dereito. En 1928 a familia regresou a
Córgomo e Florencio comeza a traballar como pasante nun bufete de abogados
no Barco de Valdeorras. Neste tempo
escribe moitos versos e publica artigos xornalísticos en A Nosa Terra e O Heraldo de Galicia co pseudónimo de
Korgomófilo.
No 1933 ingresou no
Partido Galeguista. Nesta época coñeceu a Castelao ao que lle dedicará o libro O soño do guieiro.
Co comezo da guerra civil,
FDG foxe de Valdeorras a Portugal, Francia e por último a México onde vivirá o
seu exilio. O Partido Galeguista edita en México no 1943 Cancioneiro da loita galega
no que colabora Florencio con poemas relacionados coa guerra civil e a
resistencia antifranquista. Florencio, ao chegar a México, tivo varios empregos
e traballou nunha empresa farmacéutica ata a súa xubilación.
Colaborou facendo
traducións de poetas franceses no volumen Poesía inglesa e francesa vertida ao galego publicado
pola Editorial Galaxia en 1946 e que foi premiado pola Federación das
Sociedades Galegas da Arxentina. Foi un dos creadores do programa radiofónico
en galego A Hora de Galicia que estivo
en antena en México durante case 20 anos. Tamén foi un dos fundadores, en 1959,
da revista en galego Vieiros con Luis
Soto e Carlos Velo. Deixouse de editar en 1968.
En 1963, a Editorial
Galaxia publica Galicia Infinda, obra que recolle unha boa parte dos poemas de
postguerra; agrupados en cinco partes: Cantarenas, Valdeorras, Castiñeiros,
Varia e Poemas mexicanos.
Edicións do Castro
publicou en 1971 Cantarenas que recolle poemas de Bebedeira ,Valdeorresas e
Dionisias. O tema central son as terras de Valdeorras e o mundo do viño.
O Soño do guieiro
foi publicado en 1986 por Edicións do Castro e está dedicado ao seu amigo
Castelao. Recolle poesía da loita, de combate, da guerra civil, da postguerra e
do exilio mexicano.
A derradeira visita de FDG
a Galicia tivo lugar en 1981 e en Valdeorras foi recoñecido como membro
correspondente da Real Academia Galega.
Florencio faleceu en
California o 14 de maio de 1987 nunha visita a unha das súas fillas. As súas
cinzas foron transladadas a Córgomo o 12 de xullo dese mesmo ano.
O último videocotián antes de comezar as vacacións de Semana Santa, achéganolo Álvaro de 3º ESO cun tema de Ana Kiro e que leva por título Galicia Terra Meiga.
Moitas grazas, Álvaro!!