PERO ONDE VAI O MECO???

Esta era a pregunta que hoxe luns nos faciamos tod@s ao chegar ao insti ,porque nos atopamos coa sorpresa de que o noso MECO desaparecera sen deixar rastro. Despois de dar voltas polos recunchos do centro, Carmen, a conserxe, descubriuno nun dos baños da entrada... foi a primeira broma do Entroido que a  alguén se lle ocorreu. Non soubemos quen foi, pero sospeitamos que algo tivo que ver un exame que se fixo o venres pola tarde no instituto.... hehe.... pobriño WERTZAS!! tivo que pasar a fin de semana pechado no baño.

Xa de paso, aquí se vos deixa a orde de mañá martes que debemos cumprir.

Roi Casal - Ninfa das frescas augas

Todas con Rosalía [segunda parte]

A HOMENAXE DO CARRABOUXO NO DÍA DE ROSALÍA

DÍA DE ROSALÍA

Hoxe día 24 de febreiro celebramos no IES Enrique Muruais o Día de Rosalía. Organizado pola Fundación Rosalía de Castro que promoveu pola internet a acción #eurosalía que consistía en facer unha autofoto ("selfie" como che chaman agora), o noso alumnado e profesorado, tamén fixo as súas fotos. Xa se vos irán poñendo noutro momento esas fotos aquí no blog.

SER LINGUA NON É FÁCIL

Entre os días 10 e 21 de febreiro, na entrada do IES Enrique Muruais puidose observar unha exposición en cuxos paneis explicativos se informaba da situación das distintas linguas minorizadas en territorios europeos. Basicamente, recóllense as linguas e territorios cos que están en contacto as Escolas de Idiomas.
Os paneis informativos expoñían o proceso sufrido ao longo da historia, que levou a algunhas linguas a converterse en oficiais dos seus respectivos países-estados e como outras están aínda loitando polos seus dereitos.
Esta exposición foi elaborada pola Escola Oficial de Idiomas de Ourense no ano 2008

REVISTA OLLOS DE AULA

En outubro do 2012 nacía  Ollos de aula, a revista do CGENDL para as familias do alumnado. Déixasevos aquí un enlace da súa web para que, aquelas nais e pais que así o desexedes, poidades darlle unha ollada tanto ao último número de febreiro coma ao sumario enteiro dende que saiu editada por primeira vez.


http://www.coordinadoraendl.org/limiar.php?pax=ollosdeaula%2Follosdeaula.html